افلام

نوعي من المفضل من الافلام هو الافلام اللي الحوارات فيها قليله و الموسيقى والسينماتوقرافي هي جوهر الفلم

احب اشوفها وقت ما احس ان الحياه صارت ثقيله و مخي كان صاير. ثقيل و مبعثر ،في ذا الوقت ما احب اشوف افلام او مسلسلات فيها حبكه لاني راح انشد و راح اصير متوتره اكثر و كمان لاني ممكن اخمن الحبكه من اول نص ساعه

و احس ذي الافلام تاثر فيني اكثر من الافلام الحزينه او دراما بشكل عام ،احس ممكن لان انت تختار اي راح تشوف مو نفس الافلام اللي تكون مليان حوارات اللي تشوف فيها ايش يبغى منك الكاتب تشوف

و بنسبه ليا ذا النوع من الاعمال انتاجه صعب اكثر من الافلام العاديه و كمان التمثيل فيه يتطلب ان الممثل يكون شاطر ، لان مافيه حوارات راح تشيلك هنا

انا كتبت ذا كله عشان فلم ذا بيانست و كل شي هادى على الضفه الغربيه مع اني شوي زعلانه عليهم لانهم خربوه و ما خلوه نفس الروايه بس يضل واو و عشره على عشره

و لو احد سالني ايش فلمك المفضل من نولان راح اقول دنكيرك بدون تردد ذا الفلم ماحد يفهمه زي ما انا افهمه ،ممكن لاني شفته في فتره كنت فيها بارده و متبلده هو خلاني ادمع فيها او ممكن لانه اول فلم يخلني ادمع كمان ما اعرف ،بس الشي الوحيد اللي اعرفه هو اني مو نفس الشهد اللي قبل ذا الفلم

و انا احتاج بين فتره و فتره اشوف فلم من ذي النوعيه عشان افصل من واقعي و اقعد اتامل فيها و اسمع فيها الموسيقى