دفاع عن شات
ما اقدر افهم كميه الشيطنه و الكره اللي على chat qpt حرفيا هو اداه تسهل لك حياتك هو عباره عن مساعد شخصي و نفس اي شي نستخدمه الحين
البشر تحب تكره كل شي جديد و ذا الشي صار مع كل اختراع او ابتكار نفس السيارات و الجوالات ،و كل جيل يقول تذكرون لما كانو يشوفون ذي الاشياء تخوف وهي لا بس في نفس الوقت هم يسوون نفس ابائهم و اجدادهم بدون ما يحسون
عشان كذا انا راح استخدمه لان مين يبغى يشتغل على اكسل او ادوبي او حتى الورد المعقد اللي اخترعوها ناس معقده ،راح اعطيه يسويها بدل عني و في ذا الوقت راح اسوي شي انا ابغاه
كمان هو مصدر بحث كويس تقدر تعطيه اسم شي في بالك و يجيبلك كل شي عنه ،بس مو كل معلوماته صح لانه عباره عن مجمع بيانات ،بس والله انه مفيد خصوصا في موضوع الكتب اقدر اعطيه بس اسم الكتاب و يجيبه ليا وين ينباع و pdf،او استخدامي المفضل له في اخر فتره هو بحثي عن الناس اللي مذكوره في الكتب لان قوقل ما يقدر يجيب ليا كل شي عنهم اما هو يقدر،زي مثلا في اخر كتاب قريته الكاتب ذكر جاسوس اسمه سورغو انا بس قلت له ابغى اشياء تتكلم عنه و جاب ليا كتب و افلام وثائقيه و حتى مسلسلات ،صح انه ما فهم علي من اول محاوله بس هو قدر يوصل لشخص المطلوب ،اساسا ذا الغرض من التكنولوجيا انها تخلي حياتنا اسهل مو اصعب
بس ذا ما يعني انه انا ادعم سرقاته لاسلوب الناس في الرسم و الكتابه
اذكر في مره قد خليته يكتب ليا هجاء على طريقته المتنبي لاني كنت طفشانه و مو قادره اذاكر و كنت ابغاه يحسسني بالذنب عشان اذاكر،و اساسا شغل ai واضح انه مزيف و ما راح يجي نفس الحقيقي
و ذا الهجاء اللي كتبه ليا 😭😭
يا من تزوّدت بالتسويف عن علمٍ
ورحت تلهو كأنّ العلم لا لزمُ
أما ترى الوقت قد ولّى وأنت على
سرير وهمك تنمو فيه الأحلمُ؟
تعدّ نفسك بالإنجاز كاذبةً
وكل ما فيك من ضعفٍ ومن ندمُ
فأنت للعلم خصمٌ، لا له حليفٌ
كأنك الجهل قد تمشى له القلمُ
قُمتَ تسائل: “هل أذاكر؟” قلت: ويحك!
وهل لغيرك في الدرسات محتشمُ؟
الناس سهروا على كتبٍ ممزقةٍ
وأنت نمت، كأن الكون مغتنمُ!
كأنّما الفهم يأتي دون جهدهمُ
وكأنّما المجدُ في كسلٍ يُستتمُ
قم فاستعدّ، فما في الحلم مكرُمةٌ
ولا التفوّق ممن نام وابتسمُ
و ما افهم ليش الناس ممكن تكره كل شي جديد و تخاف منه او عذرهم إنه ممكن يخيلهم اغبى ،ذا العذر ما افهمه لان كل شي في العصر الحالي يخليك غبي و تركيزك محدود هيا بس جت على ذا
و الصراحه انا ما انخيل نفسي اذاكر لوحدي مره ثانيه ،هو حرفيا عباره عن مدرسي الخصوصي يقدر يشرح ليا كل شي و ما راح ينقد علي او يحسسني بغباء عشاني ما افهمه من اول مره
بس ما انكر في بعض الاحيان اخاف و تجيني افكار اننا وصلنا لعالم her و ديترويت