حرب الكاندوس
.كتبت ذا قبل اسبوعين بس تكاسلت اني انزله و حسيته اطول من انه يكون نوت فراح انزله كبوست كتبت البدايه و انا اقرا في الروايه اما اخر جزء فبعد ما خلصت منها
بينما بنات الشعبه قاعدين يلمون المنهج انا قاعده ادرس و اقرا عن الحرب الكاندوس (هل راح اندم ؟اكيد بس ما اقدر اسيب الروايه و اروح اذاكر ؟ لا)
و لو تسالوني ايش هيا الحرب ذي راح اقولكم انو في1889 الى 1897البرازيل جاء قسيس او داعي و جمع اتباع له ضد الجمهوريه الجديده ،على حسب كلامه انها هيا المسيح الدجال و اغلب اتباعه كانو من المجرمين و القتله و الناس فقراء اللي ما عندهم شي حرفيا ،المهم انو هم ثارو على الجمهوريه الجديده و يبغون يرجعون الملكيه في البرازيل بدالها و منعو استعمال العمله الجديده فاستخدمو عمله قديمه كانت تتداول عصر الملكيه.
المهم هدف ذي الجماعه هو بناء كنيسه كبيره في ذاك المكان و محاربه الجمهوريين ،في الحقيقه هم فازو في اول معركه بينهم اعتقد اسمها اواوا (انا مو مره شاطره في تذكر الاسماء )بعدها الجيش و القاده اللي فيه عصبو شوي و جابو لهم مدافع و الكتيبه السابعه(على حسب ما فهمه انها اقوى من انها تحارب جماعه بسيطه نفس ذول)بس الشي المضحك هو انهم استغلو وجود شخص اوروبي في مدينه من المدن و خلوه كبش لهم ،هم قالو له ودي الاسلحه ذي للكاندوس و ما راح نرحلك من البلد و قبل ما يوديها مسكوه بتهمه العماله لانجلترا (fun fact هو اسكوتلاندي و يكره انكلترا بس لانه اصهب و اجنبي صار انجليزي غصب )و حاولو يموته بس ما مات مع الاسف فقصو شعره و جابو لهم رماد جثه ثانيه و قدموه دليل في المحكمه على اساسا تورطه هو و حكومه باهيا
(و انا اقرا الروايه حسيت كاني شيلدون كوبر وقت ما كان يقرا الحرب و السلم في المكتبه بدال ما يحضر دروسه و كان يقول انه يحاول يفهم الثقافه الروسيه ،انا الان نفسه بس مع الثقافه البرازيليه)
و انا اقرا الروايه جاء ببالي التمثال اللي في ريو دي جينرو و حسيت انه احداث الروايه لها دخل فيه و طلع انه فيه رابط بس مو مباشر مره ،ذول الجماعه هم ما بنو التمثال بالمعنى الحرفي بس اسهمو في ان الشعب يتمسك في الدين اكثر و لذا السبب هم بنو ذا التمثال، بعد ما قرات و خلصتها انا استوعبت ان منجد الشعب البرازيلي متدين حتى لو كانو صايعين بس لسا يعتبرون متدينين مو نفس الاوربيين و احس ذي القاعده تنطبق على اللاتينين بشكل عام و اتا احب ادبهم اكثر من الامريكان
انا فوق بس ذكرت مختصر اول ميتين صفحه بس الكتاب اكثر من كذا و النهايه اعجبتني جدا و اشوفها مرضيه لان كل شخص فيهم مات على شي يكرهه ،خصوصا غال و باجو انا ضحكت على نهايتهم من كثر ما انها كانت سوء منقلب
طبعا انا خلصت كتاب من ٧٠٠ في فتره كان مفروض فيها استعد فيها للفاينل هل شي مستغرب او جديد علي طبعا لا و الان انا قاعده اعض اصابع الند
